Rogaine Inocentes 2018
A carreira de orientación nocturna celebrada o sábado 29 foi todo un éxito de participación. Contamos cunha climatoloxía moi boa para estas alturas do ano a pesares do intenso frío, aquí tendes a clasificación da proba:
No sitio web de FEGADO tedes toda a información sobre o Rogaine:
A nosa sección de Raids e Orientación despide o ano coa organización do Rogaine Inocentes 2018, carreira de orientación nocturna o sábado 29 de decembro de 2018, que desta volta decorre polo concello de San Sadurniño.
A proba, de carácter nocturno, celébrase entre as 18.30 e as 21.30 horas, decorrerá polos montes de Igrexafeita e Ferreira, con saída e meta do núcleo urbano de San Sadurniño.
Hai dous percorridos: curto e longo, cun tempo límite para ambas categorías de 3 horas, ademais hai un percorrido familiar polo centro urbano de San Sadurniño.
Trátase dunha carreira con base de orientación e estratexia, na que o percorrido é libre e secreto para os participantes, quenes teñen que determinar o percorrido uns intres antes da saída, a partir do momento en que reciben os mapas.
Os participantes compiten individualmente, anque admítese a progresión en grupo. Independentemente de como progresen na carreira, a clasificación é sempre individual.
Trátase dunha competición independente, non puntuable para ningunha liga FEGADO.
O mapa é desenvolvido específicamente para esta proba e segue a filosofía dos mapas para orientación a pé, anque sen presentar o seu nivel de detalle no tocante a vexetación, rochas, etc. É máis equiparable a un mapa de orientación en BTT.
Boletín 4 co material obrigatorio
Material obrigatorio para todos os participantes:
- Chaleco reflectante.
- Luz frontal con batería de respeto.
- Teléfono móbil (os números da organización impresos no mapa).
- Chuvasqueiro ou cortaventos (pode anularse a obrigatoriedade de portar chuvasqueiro ou cortaventos en caso de bo tempo).
Recomendable:
- Compás (1 por persoa ou grupo)
- Mochila con algo de auga e comida.
- Camiseta longa e mallas longas ou manguitos (para cubrir todo o corpo).
- Á noitiña refresca, calquer percance pode facernos pasar un mal rato pola friaxe. Recoméndase levar roupa de abrigo polar ou softshell.
- Botica de primeiros auxilios e pito de emerxencia.
O prazo para a inscrición neste evento rematou o mércores 26 de decembro
Máis información:
- Rogaine-Inocentes-2018-Briefing
- Rogaine Inocentes 2018 Boletín Nº4 (PDF)
- Boletín básico de Orientación (cedido por Gallaecia Raid) (PDF)
- Rogaine Inocentes 2018 Boletín Nº3 (PDF)
- Rogaine Inocentes 2018 Boletín Nº2 (PDF)
- Rogaine Inocentes 2018 Boletín Nº1 (PDF)
- Rogaine Inocentes 2018 – Boletín Inscrición (XLS)
- Rogaine Inocentes 2018 – Autorización participación menores (PDF)
- Rogaine Inocentes 2018 Cartel (PDF)
