ENTREGA DA DISTINCIÓN DE SOCIO DE HONRA A FRAN CANOSA
Este pasado venres 20 de decembro tivemos varias actividades de carácter interno no local social do club, na rúa Coruña 102.
![](https://clubmontanaferrol.gal/wp-content/uploads/2019/12/asamblea-300x225.jpg)
Comezamos coa celebración da Asemblea Xeral Extraordinaria, á que corresponde a imaxe que figura a carón deste texto. A seguir desta reunión, as socias e socios presentes participamos na entrega da distinción de Socio de Honra da entidade ao noso compañeiro Fran Canosa, doutor en Xeoloxía, colaborador do club e impulsor entre outras moitas actividades, da consideración do Ortegal como Xeoparque, que semella vai por bo camiño.
![](https://clubmontanaferrol.gal/wp-content/uploads/2019/12/pincho-225x300.jpeg)
Acto breve pero sempre emotivo, como podedes ver na foto que encabeza esta noticia, e que quedara adiado por motivos de axenda de Fran desde o pasado mes de xuño, no que se acordara o seu nomeamento, xunto co dos ex-directivos do club Ángel Folgar e Maxi Rodriguez, aos que homenaxeamos na xuntanza polo San Bernardo no Forgoselo.
E para rematar a velada, nada mellor que celebrar o pincho de confraternidade co que pechamos o ano montañeiro, anque como sabedes, antes da costa de xaneiro aínda temos un feixe de actividades para estes días de Nadal e que xa vos adiantaremos en breve.
Desde esta páxina só queda desexarvos FELICES FESTAS E QUE TEÑADES UNHA BOA ENTRADA NO VINDEIRO ANO!
![](https://clubmontanaferrol.gal/wp-content/uploads/2019/12/WhatsApp-Image-2019-12-20-at-23.18.43-1024x768.jpg)